नंदुरबार जिल्हात पुन्हा 15 दीवसांसाठी लॉकडाऊन.

नंदुरबार जिल्हात पुन्हा 15 दीवस लॉकडाऊन :

नंदुरबार कोविड-19 संसर्ग नियंत्रणासाठी जिल्ह्यात 31 मार्च रोजी मध्यरात्रीपासून ते 15 एप्रिल 2021 रोजी मध्यरात्रीपर्यंत  पुर्णत: संचारबंदी करण्याचे जिल्हाधिकारी IASRajBharud  यांचे निर्देश. या कालावधीत अत्यावश्यक सेवा वगळता इतर सर्व व्यवहार बंद राहणार.

काय राहणार बंद :

सर्व बाजारपेठा, आठवडी बाजार,अत्यावश्यक नसलेली दुकाने,  शॉपींग मॉल, मार्केट कॉम्प्लेक्स,बार्बर शॉप, स्पा, सलून, ब्युटी पार्लर, करमणुक उद्याने,सिनेमागृहे, नाट्यगृहे, व्यायामशाळा, जलतरण तलाव, प्रेक्षकगृहे, क्रिडा संकुले , मंगल कार्यालये, खुले लॉन्स, सभागृह, असेंम्ब्ली हॉल बंद.

हॉटेल, लॉजिंग,परमिट रूम बियरबार,सर्व प्रकारच्या आस्थापना  बंद. सामाजिक, राजकीय, धार्मिक,क्रीडा, मनोरंजन, शैक्षणिक, सांस्कृतिक कार्यक्रम, प्रदर्शने बंद. धार्मिक व प्रार्थनास्थळे सर्व सामान्यांसाठी बंद राहतील, धर्मगुरु, पुजारी यांना नित्य नियमाचे धार्मिक कार्यक्रम करता येतील.

काय राहणार सुरू :

शासनाच्या मार्गदर्शक सुचनांचे पालन करून औषधाची दुकाने, रुग्णालये पुर्णवेळ सुरू.  भाजीमंडई सकाळी 6 ते 11 या वेळेत सुरू राहील, मात्र एका आड एक ओटे राहतील. दुध वितरकांना सकाळी 7 ते 9 आणि संध्याकाळी 6 ते 8 या वेळेत दुध वितरणास परवानगी, तहसिलदार यांचेकडून ओळखपत्र घेणे आवश्यक .

एमपीएससी व मान्यताप्राप्त विद्यापीठामार्फत घेण्यात येणाऱ्या परिक्षेसाठी संबंधित परीक्षा केंद्र, नियुक्त अधिकारी, कर्मचारी, यंत्रणा  यांना परीक्षा कामकाजासाठी मुभा राहील. परिक्षार्थींनादेखील मुभा राहील, तथापि त्यांनी ओळखपत्र सोबत बाळगणे आवश्यक .

अत्यावश्यक सेवा राहणार सुरू :

गॅस वितरण पूर्णवेळ सुरू. पेट्रोल पंप केवळ अत्यावश्यक सेवा व शासकीय वाहनांसाठी सुरू राहतील.अंत्यविधीसाठी 20 पेक्षा अधिक व्यक्तींना अनुमती असणार नाही. वृत्तपत्र कार्यालये आणि वृत्तपत्र छपाई व वितरणास अनुमती.

किराणा आस्थापना सकाळी 6 ते 11 या वेळेत सुरू ठेवण्यास परवानगी.पाचपेक्षा अधिक व्यक्ती दुकानात आढळल्यास दंडात्मक कारवाई करून दुकान सील. दुकानाच्या समोरील बाजूस ‘मास्क नाही तर प्रवेश नाही’ असा फलक लावावा.सर्व प्रकारची माल वाहतूक व अत्यावश्यक सेवेसाठी गॅरेज सुरू ठेवण्यास परवानगी .

जिल्ह्यातील सर्व शाळा, महाविद्यालये, शैक्षणिक व कोचिंग संस्था, वसतिगृहे, प्रशिक्षण संस्था 27 मार्चपासून पुढील आदेशापर्यंत बंद राहतील. ऑनलाईन किंवा दूरस्थ शिक्षणास अनुमती.